Міхаіл Захараў не здолеў вывесці Украіну ў элітны дывізіён сусветнага хакея

Аўстрыя вярнулася ў эліту сусветнага хакея, фота iihf.com

Зборная Украіны па хакеі пад кіраўніцтвам беларускага спецыяліста Міхаіла Захарава не змагла прабіцца ў элітны дывізіён чэмпіяната свету.

На турніры ў групе «А» першага дывізіёна, што прайшоў у Тылбургу (Нідэрланды) з 19 па 25 красавіка, зборная Украіны заняла 2-е месца, прапусціўшы наперад зборную Аўстрыі.

Перад апошнім днём спаборніцтваў зборныя Украіны і Аўстрыі мелі аднолькавую колькасць балаў і ўсё вырашаў матч паміж імі, што прайшоў вечарам 25 красавіка.

Аўстрыя перамагла Украіну 2:1 (1:0, 0:0, 1:1) і заваявала залатыя медалі і пуцёўку ў эліту сусветнага хакею.

Україна – другая. Японія – трэцяя. Нідэрланды - чацвертыя, Літвая - пятая. Зборная Сербіі пакідае першы дывізіён.

У групе «В» першага дывізіёна пуцёўку ў эліту заваявала Славенія. Турнір праходзіў у Любляне.

Чэмпіянат свету па хакею 2011 года ў топ-дывізіёне пройдзе ў Славакіі.

Чэмпіянат 2010 года, дзе гуляе зборная Беларусі, пройдзе ў Нямеччыне і пачнецца 7 мая. Супернікамі беларусаў у групавым турніры будуць Расія, Славакія і Казахстан.

АГ