Вікторыі Азаранка не далі згуляць у фінале турніра ў Ганконгу

9 студзеня зборная Расіі датэрмінова атрымала перамогу ў фінале выставачнага тэніснага турніра Hong Kong Tennis Classic. Праз гэта не адбыўся апошні матч спаборніцтваў, у якім павінная была ўдзельнічаць беларуская тэнісістка Вікторыя Азаранка.

Марыя Шарапава, Яўген Кафельнікаў і Вера Званарова перамаглі каманду Еўропы, за якую выступалі Стэфан Эдберг (Швецыя), Каралін Вазняцкі (Данія) і Вікторыя Азаранка (Беларусь). Спачатку Кафельнікаў абгуляў Эдберга — 7:5, 6:4, пасля Шарапава нанесла паразу Вазняцкі — 7:5, 6:3.

У выніку расіяне аформілі датэрміновую перамогу, і апошнюю мікставую сустрэчу было вырашана не праводзіць, паведамляе агенцтва "РИА "Новости".

Турнір Hong Kong Tennis Classic праходзіў у Ганконгу з 6 па 9 студзеня. У ім удзельнічалі каманды Расіі, Азіі, Амерыкі і Еўропы.