Беларусаў у Давосе чакаюць больш, чым немцаў і чэхаў

З 26 па 31 снежня ў Давосе пройдзе традыцыйны пераднавагодні хакейны турнір «Кубак Шпенглера».

Кантынентальную хакейную лігу ў Швейцарыі будзе прадстаўляць мінскае «Дынама». Супернікамі беларусаў, акрамя традыцыйных удзельнікаў «Давоса» і зборнай Канады, стануць нямецкі «Мангейм» і чэшскія «Карлавы Вары».

На афіцыйным сайце Кубка Шпэнглера ў гэтыя дні праходзіць галасаванне, у якім наведнікам прапаноўваюць адказаць, удзелу якой каманды яны рады больш за ўсё. Першыя два месцы як і чакалася, займаюць гаспадарыы спаборніцтваў ‑‑ «Давос» (36,3%) і зборная Канады (36,1%). На трэцяй пазіцыі размясцілася мінскае «Дынама» (13,2%),

далей ідуць «Мангейм» (7,3%) і «Карлавы Вары» (7,1%).