Бернд Штанге скардзіцца на дысцыпліну ў футбольнай зборнай Беларусі

Бернд Штанге

Галоўны трэнер зборнай Беларусі Бернд Штанге занепакоены тым, што дысцыпліна ў яго камандзе не знаходзіцца на належным узроўні.

"Дысцыпліна — адна з сур'ёзных падстаў для турботы, — цытуе адмыслоўцу Football.by. — Мы атрымліваем зашмат неабавязковых картак — за нястрыманасць, за гутаркі з арбітрам. Гэта вельмі непрафесійна...

Напрыклад, у Падгорыцы, у матчы з Чарнагорыяй, мне не спадабалася, як паводзіў сябе Калачоў. Ён больш думаў пра тое, як звесці рахункі з супернікам і арбітрам, чым пра гульню. Гэта стварала сур'ёзныя праблемы... Шкада, што так атрымалася. Бо Цімафей — адзін з дасведчаных гульцоў, якія ў цяжкія моманты павінны весці за сабой партнёраў. Але ў сераду ўсё выйшла наадварот”.