Дынама адолела Трактар

Хакеiсты мiнскага "Дынама" ў суботу атрымалi яшчэ адну перамогу на выездзе ў чэмпiянаце Кантынентальнай хакейнай лiгi. У Чалябiнску мiнчане сустракалiся з мясцовым "Трактарам" i перамаглi 6:4 (2:1, 2:1, 2:2), хоць вялi ў лiку па ходзе гульнi больш камфортна — 5:2

Галы ў мiнчан забiвалi: Андрэй Стась, Байран Рытчы, Ханес Хювенен, Уладзiмiр Дзянiсаў, Джэф Плат i капiтан Вiле Пелтанен у пустыя вароты. Вароты дынамаўцаў абараняў Андрэй Мезiн, для якога Чалябiнск з'яўляецца родным горадам. Пасля гэтай перамогi ў актыве падапечных Глена Хэнлана стала 14 ачкоў пасля 12 матчаў, i яны займаюць 11-е месца ў Заходняй канферэнцыi КХЛ.