Пра надвор'е

Сёння надвор’е на тэрыторыі Беларусі вызначаў атмасферны фронт. На большай частцы краіны адзначалася ўзмацненне ветру да 15-20 метраў за секунду. Заўтра магнітных бур на тэрыторыі нашай краіны не прагназуецца. Геамагнітны фон  ад спакойнага да слабаўзбуранага. 14 красавіка адзначаецца прысвятак Мар’я, які ў народным уяўленні звязваўся з разводдзямі – вельмі распаўсюджанай прыроднай з’явай у гэты перыяд. Вось і прыкмета на гэты дзень: калі на Мар'ю ў ясную ноч вада ўсё ж прыбывала, то лічылася, што суха будзе ў жніво на хлебнай ніве.