У эканоміцы Карэліцкага раёна ў студзені-верасні 2019 г. было занята 8,5 тыс. чалавек.
Намінальная налічаная сярэднямесячная заработная плата работнікаў раёна (без мікраарганізацый і малых арганізацый без ведамаснай падпарадкаванасці) у студзені-верасні 2019 года склала 762,4 рубля, у тым ліку ў верасні 2019 г. — 816,1 рубля.
У прамысловасці сярэдняя заработная плата ў верасні 2019 г. склала 783,7 рубля, у будаўніцтве — 985,6 рубля, у адукацыі — 792,8 рубля, у сельскай, лясной і рыбнай гаспадарцы — 780,1 рубля, на транспарце — 736,8 рубля. Заработная плата работнікаў аховы здароўя і сацыяльных паслуг у верасні 2019 г. склалася ў памеры 758,3 рубля, у тым ліку ў галіне аховы здароўя — 808,9 рубля.
Галоўнае статыстычнае ўпраўленне Гродзенскай вобласці