Слова благодарности матерям звучали сегодня на торжественном приёме в райисполкоме

Урачысты прыём матуль адбыўся сёння ў старшыні Асіповіцкага райвыканкама Канстанціна Жыгуцкага. Кіраўнік улады павіншаваў жанчын, якія прысвяцілі сваё жыццё дзецям. Прыемна, што на грудзях яшчэ дзвюх прадстаўніц цудоўнага полу заззяў ордэн Маці. З рук старшыні выканкама яго атрымалі Юлія Паляшчук і Наталля Вернікоўская.

На прыём былі запрошаны маці-выхавальнікі дзіцячых дамоў сямейнага тыпу Юлія Сысой, Лідзія Дарашэнка і Раіса Шамак, а таксама жанчыны, якія выхоўваюць дзяцей, рэалізавалі сябе ў прафесіі і актыўна займаюцца грамадскай работай. Сярод іх матуля васьмі хлопчыкаў Таццяна Кунцэвіч, Наталля Французава, якая выхоўвае семярых дзяцей, і іншыя жанчыны. Шаноўным матулям былі ўручаны падарункі ад раённых арганізацый грамадскіх аб’яднанняў “Белая Русь”, “Беларускі фонд міру”, “Беларускае таварыства Чырвонага Крыжа”, кветкі, а выхаванцы дзіцячай школы мастацтваў №1 падарылі ім музычныя выступленні.

Дарэчы, у гэты ж дзень самая высокая жаночая ўзнагарода з’явілася і ў Наталлі Мяцельскай, яе ўручыў жанчыне губернатар Леанід Заяц.

Іна ЗАСКЕВІЧ. Фота Ніны ЦАРЫК.