Виктор Пашковский из «АгроБоровинки» записался в тысячники
02.09.2019
—
Новости Общества
Перавёз тысячу тон
У пятніцу 30 жніўня вадзіцель ААТ “АграБаравінка” Віктар Пашкоўскі прымаў віншаванні ў сувязі з тым, што з пачатку ўборачнай на МАЗе-555 перавёз тысячу тон зерня.
Віктара Пашкоўскага віншуе Уладзімір Арлоў.
– Гэта не першая мая працоўная перамога, іх было многа, калі яшчэ ў савецкія часы працаваў у калгасе імя Леніна, – расказаў Віктар Васільевіч.
Ну, а колькі ў Віктара Пашкоўскага грамат, падзяк і падарункаў за добрую работу – і не злічыць. Але сёлетняя перамога асабліва дарагая, бо першая за тры гады работы ў ААТ “АграБаравінка”.
Павіншаваць перадавіка прыехалі старшыня прафкама прафсаюза работнікаў АПК Вольга Пусянкова, якая завітала да тысячніка з каштоўным падарункам і ўручыла яму майку, кепку і прафсаюзны вымпел. Не маглі прапусціць такую прыемную нагоду дырэктар ААТ “АграБаравінка” Уладзімір Арлоў і старшыня прафсаюзнай пярвічкі сельгаспрадпрыемства Аляксандра Міраненка, якія ўручылі лідару жніва прэмію. Усе пажадалі Віктару Васільевічу дабрабыту і далейшых працоўных перамог.
Надрукавана ў №69 ад 03.09.2019 г.