✨Дарагія карэліччане!✨
Сардэчна віншуем вас са святам Нараджэння Хрыстова!
Гэтае вялікае свята праз тысячагоддзі нясе з сабой урачыстасць святла, любові, надзеі. Яно з’яўляецца невычэрпнай крыніцай духоўнай радасці і творчых сіл, уваходзіць у кожны дом і падштурхоўвае людзей да высакародных учынкаў, клопатаў аб блізкіх. Беражлівае захаванне яго традыцый працягвае нябачную сувязь пакаленняў.
Шчыра жадаем усім, каб цяпло святой Каляднай ночы напоўніла дабром і міласэрнасцю дамы, прынесла згоду і паразуменне ў кожную сям’ю.
Хай узнёслыя пачуцці, звязаныя з Калядамі, не пакідаюць вас у паўсядзённым жыцці, а цяпло свята ўвесь год сагравае родных і блізкіх.
Здароўя ўсім, дабрабыту, шчасця і выканання жаданняў.
Раённы выканаўчы камітэт
Раённы Савет дэпутатаў