У госці казка завітала
27.12.2018
—
Новости Общества
Зіма, асабліва напярэдадні навагодніх і калядных святаў - час цудаў і падарункаў. І кожнае дзіця марыць, каб казачныя героі сталі яго добрымі сябрамі.
Каб ажыццявіць дзіцячыя мары, у самай малодшай групе нашага сада прайшоў занятак “У госці казка завітала!”. Для маленькіх выхаванцаў сюрпрызам стала з’яўленне казачнага куфэрка, які пры дапамозе “чароўных” слоў падарыў дзецям рэпку з аднайменнай казкі.
Затым юныя артысты прадэманстравалі свае артыстычныя здольнасці. Яны з задавальненнем пераўвасобіліся ў герояў “Рэпкі” з дапамогай лялек бі-ба-бо.
Для замацавання ўяўленняў пра рэпку і развіцця дробнай маторыкі рук выхаванцы ўпрыгожвалі папяровую гародніну прышчэпкамі - “лісточкамі”.
Напрыканцы ў чароўным куфэрку з’явілася вялікая кніга з казкамі, якія вельмі любяць слухаць маленькія выхаванцы.
Ірына БЫЛІНСКАЯ, выхавальнік дашкольнай адукацыі яслі сада-сярэдняй школы.