Без сумнення, парадуе вока любога пакупніка ўнутраны выгляд універмага ў аграгарадку Альшаны.
Дзяўчаты-прадаўцы ператварылі яго ў казачны палац, дзе ўсё падказвае, што надыходзіць Новы год. Нават сапраўдная хвоя з навагоднімі цацкамі знаходзіцца ў магазіне. Таму не дзіўна, што яны занялі другое месца ў конкурсе па ўпрыгажэнні сярод гандлёвых кропах Альшанскага філіяла Столінскага райспажыўтаварыства.
Але не толькі дзеля сузірання гэтай прыгажосці трэба зайсці ў магазін. Зараз тут дзейнічаюць выгадныя акцыі і скідкі на адзенне, а з 25 снежня будуць і на абутак.
Як расказалі прадаўцы Ганна Струг і Іна Грыб, зараз пакупнікоў, у параўнанні з папярэднімі месяцамі, намнога больш. Купляюць падарункі сабе, набываюць і арганізацыі. Нельга не адзначыць, што асартымент ва ўнівермагу сапраўды вялікі: ад дзіцячых цацак да халадзільнікаў і мэблі.
Чаму б не выбраць і вам падарунак, паважаныя чытачы?
Ганна МЕЛЬНІК
Фота аўтара