Аб’екты Кіраўскага райспажыўтаварыства ўвайшлі ў лік наведваемых для пераймання вопыту ўдзельнікамі семінара-нарады на тэму: “Выкарыстанне сучасных метадаў гандлю”, арганізаванага Белкаапсаюзам. У зоне ўвагі ў гэты дзень былі таксама падраздзяленні Глускага і Бабруйскага райспажыўтаварыстваў.
Абмеркаванне актуальных пытанняў на прадпрыемствах гандлю і грамадскага харчавання нашага райспажыўтаварыства праходзіла на чале са старшынёй праўлення Белкаапсаюза Валерыем Івановым, прысутнічалі старшыня райвыканкама Аляксандр Бутараў, работнікі апарата Белкаапсаюза, старшыні праўленняў аблспажыўсаюзаў, у тым ліку Магілёўскага — Сяргей Шуркала, аблспажыўтаварыстваў, іх намеснікі па гандлі і грамадскім харчаванні, прамысловасці, якасці і стандартызацыі, іншыя адказныя асобы сістэмы спажыўкааперацыі з розных абласцей рэспублікі.
Безумоўна, пакупнікі будуць ахвотна фатаграфавацца, рабіць сэлфі ў такім прыгожым і ўтульным месцы (гэта ўжо пацвердзіла практыка), выкладваць здымкі ў сацыяльная сеткі. Фразы-хэштэгі, трапляючыя ў кадр, з’яўляюцца своеасаблівай навігацыяй, яны дапамогуць знайсці ў інтэрнэце падарункі.
Адбылася выстава-прэзентацыя навагодняга асартыменту УП “Белкаапзнешгандаль”. За час работы выставы, як адзначылі прадаўцы, многія мясцовыя жыхары ўжо набылі ёлачныя ўпрагожванні і іншыя прапаноўваемыя тут тавары.
Унушальна выглядаў куток навагодніх падарункаў з самым шырокім і разнастайным асартыментам, аформлены ў магазіне.
Цікавіліся госці і механізмамі палетнай выкладкі тавараў, якая спрыяе прыцягненню ўвагі пакупнікоў да іх, павелічэнню попыту.
Была дадзена высокая адзнака вырабам аддзела прамысловасці, кандытарскага цэха райспажыўтаварыства.
Далей у кафэ “Піцэрыя”, якое з’явілася таксама ў 2014 годзе пасля мадэрнізацыі былога харчовага магазіна, адбылася выстава-дэгустацыя ўласнай прадукцыі райспажыўтаварыства. Безумоўна, госці адразу аддалі прыярытэт знакамітым смажанкам…
Удзельнікі семінара-нарады накіраваліся ў Кіраўск, дзе ў магазіне “Родны кут”, у першую чаргу, азнаёміліся з арганізацыяй работы інтэрнэт-вітрыны.
Што гэта такое і як яна працуе, расказалі і паказалі спецыялісты Магілёўскага аблспажыўсаюза. Дарэчы, кіраўчане першымі ў сістэме спажыўкааперацыі сталі асвойваць гэта ноў-хаў, і гэты новы метад гандлю ўжо запатрабаваны і дае свае вынікі.
Інтэрнэт-
вітрына — гэта электронны каталог тавараў, якія фізічна адсутнічаюць у магазіне, але іх можна заказаць (заказ выконваецца на працягу 8 дзён) з дастаўкай пакупніку (прычым бясплатнай). Такая форма работы пазбаўляе неабходнасці трымаць на складзе рэшткі тавараў. У электронным каталогу — у асноўным папулярныя буйнагабарытныя тавары — бытавая тэхніка, мэбля, будаўнічыя матэрыялы і інш., якія маглі б зацікавіць пакупніка. База дадзеных фарміруецца па выніках работы спажыўкааперацыі з пастаўшчыкамі, рэгулярна абнаўляецца, а ўвогуле можа дапаўняцца любымі пазіцыямі.
Кожны жадаючы, наведаўшы магазін, можа з дапамогай прадаўца-кансультанта візуальна на інтэрнэт-вітрыне азнаёміцца з характарыстыкамі і апісаннем гэтага тавара. Ёсць магчымасць даведацца пра распродаж — што прадаецца па зніжаных цэнах, пра растэрміноўку ў аплаце за тавар.
У ходзе размовы былі падрабязна разгледжаны пытанні арганізацыі работы з інтэрнэт-вітрынай, алгарытм дзеянняў прадаўца-кансультанта пры зносінах з пакупніком.
Адзначалася, што такая форма вельмі зручная, у першую чаргу, для жыхароў раёна, хто не ўмее карыстацца інтэрнэтам ці не мае яго дома ўвогуле. Той, хто на “ты” з глабальнай сеткай, можа самастойна праз інтэрнэт-вітрыну вызначыцца з выбарам тавара. Дарэчы, яна даступная ў інтэрнэце.
Як падкрэсліў Валерый Іваноў, гэта сучасны і зручны метад арганізацыі гандлю, адна з магчымасцей удасканаліць аказанне гандлёвых паслуг. Яго ўкараненне распачаў Магілёўскі аблспажыўсаюз, і далей падобныя інтэрнэт-вітрыны павінны з’явіцца на аб’ектах сістэмы спажыўкааперацыі рэспублікі.
Завяршыла практычную частку семінара-нарады прэзентацыя прадукцыі ААТ “Керамін” і абмеркаванне пытанняў супрацоўніцтва.
На пленарным пасяджэнні ў РДК былі разгледжаны вынікі дзейнасці Белкаапсаюза па выкананні даведзеных параметраў развіцця і задачы на бліжэйшую перспектыву.
Звяртаючыся да ўдзельнікаў рэспубліканскага семінара-нарады, Валерый Іваноў нагадаў, што важна працягваць работу па забеспячэнні якаснага абслугоўвання сельскіх жыхароў, на долю якіх прыходзіцца да 36% агульнага аб’ёму продажу прадукцыі і тавараў. Неабходна прыкласці ўсе намаганні, каб наблізіць узровень гандлю на сяле да гарадскога. Па словах старшыні Белкаапсаюза, многае ў гэтым накірунку ўжо зроблена, у гэтым удзельнікі семінара-нарады мелі магчымасць упэўніцца падчас наведвання гандлёвых аб’ектаў Кіраўскага, Глускага і Бабруйскага раёнаў, аднак наперадзе яшчэ шмат работы.
Валерый Іваноў нагадаў, што неабходна паскорыць правядзенне мадэрнізацыі перапрацоўчых вытворчасцей, у першую чаргу тых, якія даюць хуткую аддачу і здольныя прыносіць прыбытак.
Работу спажывецкай кааперацыі Беларусі за 9 месяцаў бягучага года ахарактарызаваў у сваім дакладзе першы намеснік старшыні праўлення Белкаапсаюза Аляксандр Скрундзеўскі.
Ён адзначыў, што з 9 даведзеных параметраў развіцця выкананы 4: тэмп росту закупак сельгаспрадукцыі і сыравіны склаў 102,5%, экспарту — 110,7%, прадукцыйнасць працы вырасла на 7,3%, паказчык па скарачэнні энергаспажывання склаў мінус 9%.
Дакладчык адзначыў і адмоўныя моманты.
Лепшыя вынікі — ў Брэсцкага і Магілёўскага аблспажыўсаюзаў, якія забяспечылі выкананне заданняў па 7 паказчыках кожны.
Сярод райспажыўтаварыстваў лепшымі былі названы — Пінскае, Кіраўскае, Бешанковічскае, Лепельскае, Дрыбінскае і Мсціслаўскае.
Па выніках 9 месяцаў бягучага года перавыканалі даведзенае заданне па закупу сельгаспрадукцыі і сыравіны ў Магілёўскім, Брэсцкім і Віцебскім аблспажыўсаюзах.
Па сярэднемесячным аб’ёме закупу на аднаго сельскага жыхара ў лідарах Магілёўскі аблспажыўсаюз (19 рублёў), а вось у Віцебскім і Мінскім толькі 9 і 8 рублёў адпаведна.
Характарызуючы галіну вытворчасці прамысловай прадукцыі, Аляксандр Скрундзеўскі адзначыў, што рэзервы для развіцця і нарошчвання тэмпаў тут маюцца значныя.
Сярод станоўчых прыкладаў першы намеснік старшыні праўлення Белкаапсаза прывёў работу Магілёўскага і Брэсцкага аблспажыўсаюзаў, дзе тэмп росту вытворчасці прамысловай прадукцыі ў супараўнальных цэнах склаў па 106,7%.
Падводзячы вынікі адбыўшагася семінара-нарады, Валерый Іваноў даручыў кіраўнікам структурных падраздзяленняў Белкаапсаюза задзейнічаць наяўныя рэсурсы і рэзервы для выканання ўсіх планавых паказчыкаў і выхаду на прыбытковую работу. Сярод пастаўленых задач — актывізацыя работы з пастаўшчыкамі па пытанні ўзаемавыгадных цэнавых прапаноў, пашырэнне асартыменту запатрабаваных высокапрыбытковых тавараў, аптымізацыя расходаў і павышэнне эфектыўнасці выкарыстання аўтатранспарту, змяншэнне расходаў на арэнду і ўтрыманне будынкаў, аптымізацыя іх колькасці.
Наталля ХАДАКОВА.
Людміла СЯМЁНАВА.
Фота Максіма МІКЕШЫНА.
