Узнагароджаны ордэнам Маці
![Узнагароджаны ордэнам Маці](http://www.21.by/pub/news/2018/09/1538040009434960.jpg)
Указам Прэзідэнта Рэспублікі Беларусь №387 ад 24 верасня 2018 года ордэнам Маці за выхаванне пяці і больш дзяцей узнагароджана 131 жыхарка Беларусі.
Узнагароды ўдастоены прадстаўніцы розных сфер дзейнасці, у тым ліку работніцы сельскагаспадарчых і прамысловых прадпрыемстваў, устаноў культуры і адукацыі, арганізацый аховы здароўя, гандлю, абслугоўвання насельніцтва, хатнія гаспадыні.
Сярод узнагароджаных і мнагадзетныя маці з нашага раёна: работніца фермерскай гаспадаркі “СОВ Агра-прадукт” Ірына Леанідаўна Вашчыла і хатняя гаспадыня Наталля Мікалаеўна Власавец з Івацэвіч, і жывёлавод ААТ “Святая Воля” Марына Яўгеньеўна Папчэня з в. Вялікая Гаць. Віншуем з узнагародай!
Усяго ў нашым раёне мнагадзетных сем’яў, якія выхоўваюць траіх і больш дзяцей – 840, ордэнам Маці ўзнагароджана 124 шматдзетныя маці.
Дзяніс КАРПАЎ.