Нерэальная спёка

Апошні месяц лета дорыць нам, нібы на доўгую памяць, сапраўдныя летнія дні. Іншы раз надвор’е падаецца ўжо занадта спякотным і невыносным. Так, на мінулым тыдні слупок тэрмометра не раз падымаўся вышэй адзнакі 30 градусаў, сіноптыкі і выратавальнікі абвяшчалі аранжавы ўзровень небяспекі. Нехта хаваўся ад спёкі дома, не выходзячы без патрэбы на вуліцу. Хтосьці ратаваўся ля прахладнай вады на беразе Прыпяці. Ну, а калі здарылася быць пад пякучым сонцам у горадзе, – дарэчы прыходзяцца прахаладжальныя напоі і марожанае.

Мы ж жадаем вам, паважаныя чытачы, каб надвор’е дарыла вам толькі пазітыўныя эмоцыі, таму слухайцеся сіноптыкаў, выратавальнікаў і ўрачоў, беражыце сябе і сваіх блізкіх і не забывайцеся пра галаўныя ўборы.

Арцём ГУСЕЎ, фота аўтара.