Крымінал-дайджэст

Будзе новая падлога

У Сякерычах мясцовы жыхар разам з таварышам з Лучыц праніклі ў дом па вуліцы Школьнай і выкралі палавыя дошкі коштам 50 рублёў і кабель коштам 10 рублёў.

Узбуджана крымінальная справа па частцы 2 артыкула 205 Крымінальнага Кодэкса.

На шпількі

Жанчына з Пцічы ў стане алкагольнага ап’янення  двойчы выкрала 200 рублёў у сабутэльніка Р. Грошы растрачвала разам з дачкой.

Узбуджана крымінальная справа па частцы 1 артыкула 236 Крымінальнага Кодэкса.

… Бо свой будую

Невядомы пранік у гаражы па вуліцы Школьнай у  Колках, адкуль выкраў аўтазапчасткі на суму 3350 рублёў.

Узбуджана крымінальная справа па частцы 1 артыкула 205 Крымінальнага Кодэкса.

У краме танней

Лучычанін у час забароны незаконна здабываў сеткай рыбу на возеры ў пойме Пцічы. Маёмасная шкода склала 514 рублёў. Узбуджана крымінальная справа.

Н. ЧАРНЯЎСКАЯ,

па матэрыялах РАСК.