Ва ўстанове дашкольнай адукацыі «Яслі-сад № 13 г. Смаргоні» прайшло свята «Дзень абароны дзяцей»

1 чэрвеня па традыцыі ва ўстанове дашкольнай адукацыі «Яслі-сад № 13 г. Смаргоні» прайшло свята «Дзень абароны дзяцей».

Адкрыла свята само Лета, а дапамагаў яму вясёлы клоўн Клепа, які весяліў дзяцей жартамі і камічнымі паводзінамі.

Вялікі эмацыйны зарад атрымалі дзеці і педагогі выхаванцаў у ходзе правядзення спартыўных спаборніцтваў, займальных тэатралізаваных прадстаўленняў.

Да дзяцей малодшых і сярэдніх груп прыляцелі Матылёк і Майскі жук, каб парадаваць іх вясёлымі гульнямі і карагодамі. Героі прынеслі ў падарунак маўлятам чароўную шкатулку з казачнымі прадметамі. Дзеці адгадвалі загадкі, гулялі з хмаркай і сонейкам, збіралі кветкі з яркіх пялесткаў, спявалі песні пра лета і сяброўства, каталіся на паравозіку.

Дзеці старэйшых груп сталі ўдзельнікамі тэатралізаванага спартыўна - музычнага прадстаўлення. Яны спаборнічалі паміж сабой у спрыце і сіле. Дзякуючы дружбе і узаімавыручцы, з дапамогай адважнага Мядзведзя яны выратавалі Сонейка.

Выхаванцы ўдзельнічалі ў гульнях, незвычайных эстафетах, чыталі вершы пра бясхмарнае дзяцінства, спявалі песні пра спорт і сяброўства, танцавалі з сонечнымі праменьчыкамі.

На мерапрыемстве выхаванцы з велізарным натхненнем малявалі на асфальтавай дарожцы на тэрыторыі ўстановы дашкольнай адукацыі. На малюнках былі намаляваныя кветкі, сонца, неба і г. д.

У канцы свята казачныя героі падарылі маленькім непаседам салодкія прызы, дзеці зарадзіліся добрым настроем на ўвесь дзень!

Вось так смаргонскія дзеткі дзяржаўнай установы адукацыі "Яслі-сад № 13 г. Смаргоні" сустрэлі самую выдатную пару – лета!

Таццяна ВАСІЛЕЎСКАЯ, намеснік загадчыка па асноўнай дзейнасці дзяржаўнай установы адукацыі "Яслі-сад № 13 г. Смаргоні".

Фота аўтара.