Начальнік аддзела Смаргонскага ДАІ ўзнагародзіў юных інспектараў СШ №1

Вучням, якія скончылі навучальны год на 9 і 10 балаў, былі ўручаны граматы, а яшчэ актыўным удзельнікам, пераможцам і прызёрам шматлікіх конкурсаў і навукова-даследчых мерапрыемстваў. Некаторыя хлопчыкі і дзяўчынкі за нядрэннае выступленне атрымалі магніцікі з надпісам “Прызнанне”.

Начальнік аддзела ДАІ РАУС узнагародзіў дыпломам групу вучняў СШ №1, якія занялі першае месца ў раённым злёце юных інспектараў дарожнага руху і паехалі на абласныя спаборніцтвы. І хаця там сталі чацвёртымі сярод удзельнікаў з іншых раёнаў, але, як адзначыў Аляксандр Яўгенавіч, вучням СШ №1 са Смаргоні не было роўных у рашэнні задач з білетаў па Правілах дарожнага руху. Кожны юны інспектар атрымаў з рук начальніка аддзела ДАІ невялікі падарунак.

Юрый ЯНУШКЕВІЧ.

Фота аўтара.