Як у смаргонскім дзіцячым садку №15 адзначалі Міжнародны дзень сям'і

Штогод, 15 мая, па ініцыятыве Генеральнай Асамблеі ААН адзначаецца Міжнародны дзень сям'і.

У дзяржаўнай установе адукацыі “Яслі-сад №15 г.Смаргоні” святочную дату адзначылі шэрагам мерапрыемстваў: у групах была арганізавана фотавыстава «Адзін дзень з жыцця маёй сям'і», выстава малюнкаў “Мая сямья”.

З выхаванцамі былі праведзены тэматычныя размовы. Дзеці з вялікім задавальненнем чыталі вершы аб сям’і, разважалі аб родных і блізкіх, разглядалі карціны і кнігі, фотаздымкі і малюнкі.

На працягу ўсяго дня панавала непаўторная эмацыйная і духоўная атмасфера, якая ствараецца агульным настроем і актыўнасцю ўсіх удзельнікаў: дзяцей, бацькоў, педагогаў. Святочны дзень завершан.

Вельмі хочацца, каб добрая і цёплая атмасфера назаўжды пасялілася ў сем'ях нашых выхаванцаў.

Са святам, паважаныя бацькі! Беражыце адзін аднаго!

Алена ТРАСКОЎСКАЯ, музычны кіраўнік.