У Польшчы заснаваны цэнтр, дзе будуць працаваць зволеныя ў Беларусі навукоўцы

У бліжэйшую суботу ў Варшаўскім універсітэце ўрачыста адкрыецца Цэнтр беларускіх даследаванняў. Мяркуецца, што ён дасць магчымасць працаваць і развівацца беларускім навукоўцам, якія паводле палітычных прычынаў не могуць праводзіць незалежныя навуковыя даследаванні ў Беларусі, паведамляе "Радыё Свабода".

Афіцыйная ўрачыстасць запланаваная на 14 лістапада ў Бальнай залі Палацу Тышкевічаў-Патоцкіх у Варшаве. Цэнтр беларускіх даследаванняў адкрываецца пры Асяродку вывучэння Усходняй Еўропы (Studium Europy Wschodniej) Варшаўскага ўніверсітэту.

У вялікай ступені цэнтр арыентаваны на навукоўцаў з Гродна, якія былі апошнім часам звольненыя з працы.

Пасля ўрачыстага адкрыцця ў Варшаве пройдзе навуковая канферэнцыя з удзелам беларускіх навукоўцаў.