Мова TUT. Жанчыны і іх свет - тэма наступнай сустрэчы, якую карануе выступ Змітра Вайцюшкевіча

Вясна распачалася. Традыцыйным амаль стартам стаўся Міжнародны жаночы дзень. Менавіта пра жанчын і іх свет прапануем пагаварыць на чарговай сустрэчы клуба "Мова TUT", якая адбудзецца ў сераду, 11 сакавіка.

Што адрознівае жанчыну ад мужчыны, што складае ейны свет, як па-беларуску называюцца традыцыйныя жаночыя "штучкі" і як паразумецца з беларускамоўнай дзяўчынай, - пра гэта і ня толькі дазнаюцца ўдзельнікі сустрэчы ў Галерэі TUT.BY. Спасцігаць жаночы свет будзем у форме гульняў, у чым дапамаге каманда праекта "Знайдзі сваіх".

Святочным падарункам для ўдзельнікаў стане выступ беларускага шансанье Змітра Вайцюшкевіча.

Пачатак сустрэчы а 19-й. Уваход вольны. Чакаем вас па адрасе: праспект Дзяржынскага, 57, 9 паверх (бізнэс-цэнтр "Амега таўэр", станцыя метро Міхалова).

Традыцыйна запрашаем бацькоў з дзеткамі. Апекавацца малымі будуць спецыялісты сямейнага клуба Global Child*.

* Global Child - клуб, які разумее адукацыйныя патрэбы 21 стагоддзя і дапамагае правільнаму фарміраванню дзіцячай асобы. Спецыялісты клуба стасуюць сучасныя матэрыялы і крыніцы інфармацыі ў выхаваўчых методыках, абапіраюцца на досвед лепшых у свеце праграмаў па адукацыі, запрашае да працы з дзецьмі педагогаў з найлепшай падрыхтоўкай. Клубу сёлета спаўняецца 5 год. Ён з'яўляецца членам міжнароднай адукацыйнай асацыяцыі ICEF.