Віншаванне біскупа Віцебскага Алега Буткевіча са святам Раства
24.12.2014 11:43
—
Новости Общества
Біскуп Віцебскі Алег Буткевіч віншуе жыхароў Прыдзвіння са святам Раства Хрыстова.
Шаноўныя суайчыннікі, дарагія браты і сёстры ў Хрысце!
Раство Хрыстова – свята, якое нясе з сабой цеплыню і супакой, такія знаёмыя і блізкія сэрцу кожнага чалавека.
Цяжка ўявіць сабе нашу гісторыю і культуру без гэтага Свята. І справа не толькі ў прыгожых абрадах, якія яму спадарожнічаюць. Святло Бэтлеемскай зоркі, якое калісьці апраменіла адну са шматлікіх тагачасных стаенак, і сёння хоча данесці нам тую самую Навіну: Бог не пакінуў свой народ, прыйшоў, каб застацца і быць "Богам-з-намі".
А гэта, сапраўды, ужо шмат – ведаць, што ты ніколі не застаешся адзін, што жыццё тваё заўсёды мае сэнс, што, пакінуты, хворы ці састарэлы, ты заўсёды Камусьці патрэбны. І што твае паблемы – гэта ўжо не твае, але Таго, хто прыйшоў, каб аддаць за цябе Сваё жыццё.
Трэба толькі ў гэта паверыць. І калі знойдзецца Божаму Слову месца ў сэрцы чалавека, як калісьці ў Бэтлеемскай стаенцы, тады будуць у нас трывалыя сем'і, цвярозыя бацькі, сумленныя кіраўнікі, самаадданыя настаўнікі, адказныя ўрачы, а ў свеце не будзе больш войнаў і голаду.
Жадаю, каб мы сапраўды паверылі, што і сёння Бэтлеемская зорка свеціць над кожным з нас, як над той адзінай стайняй, у якой так моцна жадаў нарадзіцца Божы Сын.
Алег Буткевіч, біскуп Віцебскі
 |
Біскуп Віцебскі Алег Буткевіч. Фота: Ігар Мацьвееў |
Шаноўныя суайчыннікі, дарагія браты і сёстры ў Хрысце!
Раство Хрыстова – свята, якое нясе з сабой цеплыню і супакой, такія знаёмыя і блізкія сэрцу кожнага чалавека.
Цяжка ўявіць сабе нашу гісторыю і культуру без гэтага Свята. І справа не толькі ў прыгожых абрадах, якія яму спадарожнічаюць. Святло Бэтлеемскай зоркі, якое калісьці апраменіла адну са шматлікіх тагачасных стаенак, і сёння хоча данесці нам тую самую Навіну: Бог не пакінуў свой народ, прыйшоў, каб застацца і быць "Богам-з-намі".
А гэта, сапраўды, ужо шмат – ведаць, што ты ніколі не застаешся адзін, што жыццё тваё заўсёды мае сэнс, што, пакінуты, хворы ці састарэлы, ты заўсёды Камусьці патрэбны. І што твае паблемы – гэта ўжо не твае, але Таго, хто прыйшоў, каб аддаць за цябе Сваё жыццё.
Трэба толькі ў гэта паверыць. І калі знойдзецца Божаму Слову месца ў сэрцы чалавека, як калісьці ў Бэтлеемскай стаенцы, тады будуць у нас трывалыя сем'і, цвярозыя бацькі, сумленныя кіраўнікі, самаадданыя настаўнікі, адказныя ўрачы, а ў свеце не будзе больш войнаў і голаду.
Жадаю, каб мы сапраўды паверылі, што і сёння Бэтлеемская зорка свеціць над кожным з нас, як над той адзінай стайняй, у якой так моцна жадаў нарадзіцца Божы Сын.
Алег Буткевіч, біскуп Віцебскі