Свечы і сэрцы ў гонар Дзевы Марыі: у касцёле Святой Тройцы прайшла раратняя імша

Падчас раратняй імшы запальваюць свечку, якая з'яўляецца сімвалам Дзевы Марыі. З вялікай ахвотай у раратніх святых імшах прымаюць удзел дзеці, якія на пачатку літургіі ідуць у працэсіі, трымаючы ў руках запаленыя свечкі або лампадкі. І толькі на спеў "Хвала на вышынях Богу..." ва ўсім касцёле запальваецца святло. Акрамя свечак, дзеці прынеслі ў касцёл справаздачу пра свае добрыя ўчынкі - выразаныя з паперы сардэчкі. Такіх добрых учынкаў назбіраўся поўны кошык.