У двары пінскага касцёлу ўсталявалі дзесяціметровы крыж

Падзея адбылася на каталіцкае свята Узвышэння Святога Крыжа у двары пінскага касцёлу Унебаўзняцця Святой Дзевы Марыі.

Парафіяне рукамі паднялі шматкілаграмовы дубовы крыж на падрыхтаваны пастамэнт. Дзея суправаждалася рэлігійнымі спевамі і гімнам "Магутны Божа".

Дырэктар Целяханскай лясной гаспадаркі Аляксандар Лабачэўскі распавёў "Медиа-Полесью" пра тое, як што да яго звярнуліся прадстаўнікі касцёла з прапановаў дапамагчы годнай справе. Аднак, як выявілася, на тэрыторыі ягонай гаспадаркі не знайшлося такога вялікага дуба. Адпаведнае дрэва было знойдзена ў Пінскім лясгасе. Менавіта з яго і вырабіў прыватны прадпрымальнік з вёскі Крыўчыцы хрысціянскі сімвал.

Як вядома, гарызантальная перакладзіна крыжа – гэта чалавечыя грахі і штодзённыя клопаты, а вертыкальная – імкненне ўверх да Бога.