ДАІ будзе чапляць на машыны жанчын налепкі з надпісам "Я – самая прыгожая"
06.03.2013
—
Новости Общества
У жаночы дзень, 8 Cакавіка, па Гродзеншчыне будзе ездзіць спецыяльны патруль ДАІ.
Яны будуць не штрафаваць, а віншаваць.– Мы будзем дарыць добры настрой і ўсмешкі, – дзеліцца начальнік аддзялення агітацыі і прапаганды ДАІ Гродна і Гродзенскай вобласці Яўген Дудко. – Пакуль адны будуць віншаваць кветкамі і добрымі словамі, другія будуць чапляць на машыны стужкі, банты ды налепкі з надпісам "Я – самая прыгожая". І не важна, штрафавалі мы раней жанчыну, якую спынім, ці не. Віншаваць будзем усіх!
Дарэчы, ДАІ кожны год прыдумвае нешта новае. На ранейшыя святы 8 Сакавіка супрацоўнікі ДАІ мылі машыны проста на дарозе і разыгрывалі мужоў у прамым эфіры.
Настасся РОЎДА.
Фота telegraf.in.ua