Не дапамагайце вас абакрасці ў цягніках!

Усё часцей здараюцца выпадкі крадзяжу рэчаў, грошай і дакументаў, мабільных тэлефонаў і іншых каштоўных рэчаў у пасажыраў цягнікоў.

Часта самі пацярпелыя ствараюць спрыяльныя ўмовы для таго, каб іх абакралі.

Варта быць пільнымі і памятаць, што злачынцы часта ўмеюць выклікаць давер. Таму ніколі не гуляйце ў цягніках у азартныя гульні з незнаёмымі. Ні ў якім разе не піце з імі спіртное, не пакідайце рэчы пад нечым наглядам ці без нагляду, нават ненадоўга.

Калі пры вас сумкі, чамаданы і іншыя рэчы, стаўце іх пад сядзенне і на спецыяльна адведзеныя для багажу месцы, каб іх не было зручна скрасці.

Старайцеся не паказваць у касах, што пры вас шмат грошай. Лепш разлічвацца грашыма, якія загадзя адклалі. Дакументы, грошы, тэлефон трымайце пры сабе, пажадана ва ўнутраных кішэнях.

Калі падчас паездкі вы ўсё ж сталі ахвярай злачынства, адразу  звяртайцеся па дапамогу да брыгады цягніка ці нарада суправаджэння.

Трымайцеся элементарных мер асцярожнасці – і гэта дазволіць вам пазбегнуць непрыемнасцяў і захаваць сваю маёмасць.

Таццяна СУБАЧ, старшы інспектар службы групы аховы правапарадку і прафілактыкі Маладзечанскага аддзела ўнутраных спраў на транспарце.

Фота cs5976.vkontakte.ru