Мінімальны бал на ЦТ павысяць сёлета

Ад 2013 года павысіцца мінімальны бал па выніках цэнтралізаванага тэставання, з якім абітурыенты змогуць падаваць дакументы ў ВНУ, паведамляе БелТА.

Па такіх прадметах, як руская і беларуская мовы, матэматыка, фізіка, хімія, біялогія, плануецца ўстанавіць мінімальнае значэнне 15 балаў.

Па гісторыі Беларусі, сусветнай гісторыі найноўшага часу, грамадазнаўстве, геаграфіі і замежнай мове – 20 балаў.

Калі балы, атрыманыя абітурыентамі, не дацягнуць да гэтых значэнняў, яны будуць лічыцца непрахаднымі для прыёмнай камісіі ВНУ.

Аддзел інфармацыі.

Фота oko.by