З неўязной ў ЕС суддзёй Вольгай Комар не падоўжылі кантракт

З неўязной ў ЕС суддзёй Вольгай Комар не падоўжылі кантракт

Вольга Комар была ўнесена ў так званы чорны спіс асоб, якім забаронены ўезд у краіны Еўрапейскага саюза і ЗША пасля таго, як яна пакарала чатырма гадамі зняволення актывіста Васіля Парфянкова ў самым першым працэсе па справе Плошчы ў Фрунзенскім судзе Мінска.

Вольга Комар судзіла таксама праваабаронцу Паўла Левінава і грамадскага актывіста Паўла Станеўскага. Яна пагадзілася з пратаколамі міліцыянераў, якія абвінавацілі абодвух у нецэнзурнай лаянцы, і пакарала актывістаў арыштам.

Пакуль невядома, чым канкрэтна “правінілася” суддзя, але, згодна з указам А. Лукашэнкі ад 14 студзеня, кантракт на працу з ёй падоўжаны не будзе.