У былой сінагозе ў Івянцы збіраюцца бамжы

Бамжы трапляюць у сінагогу праз вокны, а потым там п’юць і спраўляюць свае патрэбы.

Апошнім часам ўсё бамжы п’юць і спраўляюць свае патрэбы ў будынку сінагогі. Яны заходзяць туды праз вокны, а пасля знутры адчыняюць дзверы.

Івянецкая сінагога – адна з трох захаваных будынкаў драўляных сінагог у нашай краіне. Некалькі гадоў таму яе перадалі яўрэйскай рэлігійнай супольнасці Беларусі па настойлівых просьбах самой супольнасці.

Па інфармацыі, якая спасылалася на старшыню супольнасці Юрыя Дорна, у будынку планавалі стварыць музей гісторыі і культуры яўрэяў Заходняй Беларусі. Як высветлілася пазней, для гэтага не хапае ні экспанатаў, ні сродкаў. Будынак пачалі рамантаваць, але работы хутка скончыліся.

Кіраўніцтва яўрэйскай супольнасці змянілася пасля таго, як Юры Дорн быў арыштаваны па абвінавачванні ў карупцыі. З таго часу за будынкам няма ніякага нагляду.

Івянецкі пасялковы Савет падтрымлівае парадак на тэрыторыі ля сінагогі, а таксама на мемарыяле памяці яўрэям Івянца і Налібоцкай пушчы, якія былі расстраляныя 9 чэрвеня 1942 года.

Неабходна абавязкова прыняць меры: паставіць агароджу, краты на вокны, змяніць замок. Таксама варта вырашыць, што рабіць з самім будынкам і якім чынам яго выкарыстоўваць. Здзіўляе неадказнае стаўленне да помнікаў яўрэйскай гісторыі і культуры ў Беларусі як з боку беларускай супольнасці яўрэяў, так і з боку сусветнай дыяспары. Між іншым, такія помнікі маюць агульнасусветнае значэнне і маглі б прыцягваць турыстаў.

Мясцовыя ўлады пазбягаюць канфлікту, узгадваючы трагічны лёс яўрэяў падчас Другой сусветнай вайны.

Пакуль усе хаваюцца ад адказнасці, будынак сінагогі застаецца ў занядбаным стане.

Алесь БЕЛЫ.

Фота saloed.ru.