Вуліцу Астрожскага падрамантавалі

У аўторак, 27 лістапада, яміны на вуліцы Астрожскага “Камунальнік” засыпаў пяском.

“Рэгіянальная газета” 9 лістапада паведаміла, што вуліца Астрожскага нагадвае паласу перашкод. Асфальтаваць дарогу прадпрыемства “Камунальнік” плануе толь­­кі на наступны год, але цяпер машынам па дарозе лягчэй праехаць. Усе яміны засыпалі пяском, таму і хуткасць кіроўцам не прыходзіцца зніжаць да нуля.

Канешне, пасля дажджу дарога стала падобная да поля, але людзям прайсці ці праехаць ўжо можна.

Вольга ЮРКЕВІЧ.

Фота Аляксандры ШПАКОЎСКАЙ.