На Ашмяншчыне могуць пабудаваць ветрапарк

З праектам аб пабудове ветрапарку ў Ашмянскім раёне выступіць Мінэнерга падчас выставы інвестыцыйных праектаў Беларусі.

Мерапрыемства пройдзе 16 лістапада ў сталічнай “Мінск-Арэне”. Цяпер у Беларусі не існуе ніводнага ветрапарку, ёсць толькі асобныя ветраныя ўстаноўкі. Энергія з іх адразу накіроўваецца ў сетку.

Ашмянскі раён добра падыходзіць для выкарыстання ветраных установак. Гэта вызначылі даследчыкі Мінэнерга падчас вывучэння карты вятроў.

Ветрапарк будзе ўключаны ў базу інвестпраектаў Беларусі.

Аддзел інфармацыі.

Фота activerain.com