У Беларусі курыць кожны другі мужчына і кожная дзясятая жанчына

Пра гэта паведаміла прэс-сакратар Нацыянальнага статыстычнага камітэта Вольга Клаўсуць, піша "Наша ніва" са спасылкай на БелТА.

Дадзеныя выбарачнага абследавання хатніх гаспадарак па ўзроўні жыцця сведчаць пра тое, што на пачатак года доля курцоў ад агульнага насельніцтва ва ўзросце 16 гадоў і старэй склала ў цэлым па краіне 27%. Сярод мужчын доля прыхільнікаў курэння — 50,4%, сярод жанчын — 10,2%.

Па словах прадстаўніка Белстата, сярод рэгіёнаў краіны найбольшая ўдзельная вага курцоў ад агульнага насельніцтва адзначаны ў Мінску (29,1%), найменшая — у Мінскай і Гродзенскай абласцях (адпаведна 25,5% і 25,7%). У Віцебскай вобласці гэты паказчык складае 27,8%, у Магілёўскай — 27,6%, у Брэсцкай — 26,6%, у Гомельскай — 26,2%.

"Наша ніва" са спасылкай на БелТА.