Ці можна яшчэ трапіць на кірмаш?

Калі хтосьці не паспеў набыць усё неабходнае да зімы, то яшчэ ёсць магчымасць наведаць восеньскі кірмаш. Праўда, некаторым давядзецца ехаць у суседні раён.

ВІЛЕЙКА.

Кірмаш на плошчы Леніна адбудзецца на выхадныя – 27 і 28 кастрычніка.
На ім можна будзе набыць гародніну, мяса і іншыя тавары. Кірмаш будзе працаваць ад 9 да 13 гадзін.

АШМЯНЫ.

У Ашмянах кірмашы ладзяцца тры тыдні запар, апошні адбудзецца ў нядзелю, 28 кастрычніка.
Набыць неабходнае можна будзе на вуліцы Першамайскай ад 9 раніцы.

МЯДЗЕЛ.

У Мядзеле кірмашы ладзяцца кожную суботу, таму 27 кастрычніка можна набыць неабходныя сельскагаспадарчыя тавары.
Кірмаш працуе ад 8 раніцы на пляцоўцы каля цэнтральнага рынку.

МАЛАДЗЕЧНА.

Правядзення сельскагаспадарчых кірмашоў у Маладзечне гэтай восенню больш не плануюць. Але аддзел гандлю Маладзечанскага райвыканкама ўдакладняе: калі з’явіцца неабходнасць, то кірмаш арганізуем.

ВАЛОЖЫН. СМАРГОНЬ. АСТРАВЕЦ.

У гэтых гарадах ужо правялі сельскагаспадарчыя кірмашы і больш на гэтую восень іх пакуль не плануюць.

Аддзел інфармацыі.
Фота televid.by