Памёр Віктар Чыкін - экс-старшыня Камуністычнай партыі Беларусі

Пра смерць былога рэдактара газеты "7 дней" паведамілі ў выданнi. Там адзначылі, што Віктар Чыкін памёр пасля абшырнага інсульту, не прыходзячы ў сябе. Апошнім часам мужчына шмат хварэў, перанёс некалькі аперацый.

Пахаванне адбудзецца 17 кастрычніка.

Віктар Чыкін нарадзіўся ў 1949 годзе ў Мінску. Палітычную кар’еру ў Савецкай Беларусі зрабіў ад намесніка сакратара камітэта камсамола Беларускага політэхнічнага інстытута да другога сакратара Мінскага гаркама КПБ. З’яўляўся намеснікам старшыні Мінскага гарвыканкама (1997-2000), старшынёй Беларускай нацыянальнай тэлерадыёкампаніі, галоўным рэдактарам газеты "7 дней". Узначальваў Камуністычную партыю Беларусі.