Атрымай правы за адзін дзень

У маладзечанскім ДТСААФ 28 верасня а 9 гадзіне пройдзе конкурс “Юны матацыкліст”. Удзельнікам можа быць малады чалавек ва ўзросце ад 16 гадоў.
Мотаспаборніцтва бу­дзе складацца з дзвух этапаў.
Першы – тэарытычны. Экзамен на веданне правілаў дарожнага руху.
Другі – практычны. Кандыдаты пакажуць сваё майстэрства ваджэння, праехаўшы 3 элементы: “Змейка”, “Васьмёрка”, “Калідорчык”. Пры ўдалым праходжанні канкурсантам выдаецца права на атрыманне вадзіцельскага пасведчання катэгорыі “А”. Пры сабе трэба абавязкова мець пашпарт, медыцынскую даведку і квітанцыю аб аплаце на атрыманне вадзіцельскага пасведчання. Пра гэта распавёў старшы інспектар дарожна-аўтамабільнай службы Дзмітры Юркевіч.
Вольга ЮРКЕВІЧ.