Затрыманым актывістам "Zмены" далі ад 7 да 12 сутак

У судзе Фрунзенскага раёна Мінска прайшлі суды над затрыманымі ўчора актывістамі "Zмены" — моладзевага крыла кампаніі "Гавары праўду!", што зладзілі ў аўторак ля ўніверсама "Фрунзенскі" пікет за байкот выбараў.

Павел Вінаградаў асуджаны на 12 сутак адміністрацыйнага арышту, Аляксандр Арцыбашаў — на 10 сутак, Ягор Віняцкі — на 7 сутак, Ганне Курловіч прысудзілі 2 мільёны рублёў штрафу (20 базавых велічыняў).

Усіх чатырох вінавацілі ў несанкцыянаванай акцыі.