Пенсіянер памёр на прыступках крамы

Учора ў Мінску пажылы мужчына страціў прытомнасць і памёр да прыезда хуткай дапамогі на прыступках гастраному побач са станцыяй метро “Фрунзенская”.

Па словах відавочцаў, пажылы мужчына выходзіў з крамы з пакупкамі і раптоўна ўпаў. Нехта выклікаў міліцыю, прыняўшы мужчыну за п'яніцу - у гастраноме ёсць так званы «штучны аддзел» і нярэдка там можна пабачыць моцна п’яных людзей. Такім чынам, міліцыя прыехала да хуткай і праваахоўнікам засталося толькі канстатаваць смерць пенсіянера.