Пракурор запрасіў 15 гадоў

У Століне завершаны cудовыя спрэчкі па справе, якая ўскалыхнула Беларусь на самым пачатку гэтага года. Нагадаем, што ў навагоднюю ноч тут, у вёсцы Лядзец, была забіта 13-гадовая школьніца Юлія Ляшук (на фота).

Пракурор запрасіў для злачынцаў максімальнага пакарання ў 15 гадоў пазбаўлення волі.

Адзін з абвінавачаных ужо выступіў з апошнім словам, але паколькі працэс закрыты, адвакаты нічога пра яго расказаць не могуць. Вядома толькі, што другі абвінавачаны будзе выступаць у судзе ўжо пасля перапынку ў судзе, які працягнецца да 15 жніўня. Абодвум хлопцам, якія апынуліся на лаве падсудных, на момант здзяйснення злачынства было 17 гадоў. Яны з Юляй Ляшук былі аднавяскоўцамі.