У БДУ пакуль не хапае абітурыентаў на трох факультэтах
25.07.2012 10:33
—
Новости Общества
У БДУ пакуль не хапае абітурыентаў на трох факультэтах
У перадапошні дзень падачы дакументаў ля БДУ людна. Абітурыенты сочаць за прахаднымі баламі на экране. А ў прыёмнай камісіі чакаюць наплыву. На трох факультэтах галоўнай ВНУ краіны конкурсу яшчэ няма. Менавіта на гэтых факультэтах, дарэчы, павялічылі набор.
“Гэта механіка-матэматычны, фізічны і факультэт камп’ютарных тэхналогій. Але летась тут конкурс вымалёўваўся ў апошнія два дні. І мы сёлета павялічылі набор на гэтых факультэтах. 221 месца на натуральныя спецыяльнасці”, — расказвае Еўрарадыё адказны сакратар прыёмнай камісіі БДУ Вячаслаў Малафееў.
Навошта было павялічваць набор на спецыяльнасці, на якія летась дакументы падалі ў апошнія дні — незразумела.
Тым больш па такіх жа спецыяльнасцях у БДУ багата канкурэнтаў: Беларускі нацыянальны тэхнічны ўніверсітэт і Беларускі дзяржаўны ўніверсітэт інфарматыкі і радыёэлектронікі.
Максім Карпенка з Бабруйску абірае паміж БДУ і Лінгвістычным універсітэтам. Дакументы падасць толькі заўтра. З 324 баламі ён, здаецца, занадта асцярожнічае.
Максім Карпенка: “Ці то ў Лінгвістычны пайду, ці то сюды, у БДУ, на гуманітарны. Думаю, дзе больш перспектыва. Усяго разам з атэстатам у мяне 324 балы. Думаю, нармальна. А можа і на журналістыку пайду”.
У БНТУ яўны недабор на інжынерна-педагагічным факультэце. На спецыяльнасць “тэхналогія.інфарматыка” толькі 13 абітурыентаў на 22 бюджэтныя месцы.
У Беларускім дзяржаўным тэхналагічным ўніверсітэце пакуль маленькі конкурс сярод хімікаў.
“Агулам у нас амаль усё закрыта. Не вельмі вялікі конкурс на спецыяльнасць “тэхналогія электрахімічнай вытворчасці”. Там конкурс 1,2 чалавека. А найбольшы конкурс на "выдавецкай справе" і "дрэваапрацоўцы" — усе хочуць мэблю рабіць”, — нібыта скардзяцца Еўрарадыё ў прыёмнай камісіі БДТУ.
Віцебскі дзяржаўны ўніверсітэт імя Машэрава мае на гісторыі і замежнай мове толькі двух абітурыентаў з дзесяці патрэбных! І гэта бюджэт!
“На "гісторыю, замежную мову" вольных 8 месцаў. На "дэкаратыўна-прыкладное мастацтва" на "вырабы з дрэва" падалі толькі 4 дакументы, а месцаў 10. На "кераміцы" засталося адно месца”, — расказваюць у прыёмнай камісіі ВДУ імя Машэрава.
У Брэсцкім універсітэце імя Пушкіна недахоп філолагаў. Не ідуць на “рускую мову і літаратуру” з дадатковай англійскай.
Да заканчэння падачы дакументаў на бюджэт яшчэ адзін дзень — 25 ліпеня. ВНУ спадзяюцца...
“Гэта механіка-матэматычны, фізічны і факультэт камп’ютарных тэхналогій. Але летась тут конкурс вымалёўваўся ў апошнія два дні. І мы сёлета павялічылі набор на гэтых факультэтах. 221 месца на натуральныя спецыяльнасці”, — расказвае Еўрарадыё адказны сакратар прыёмнай камісіі БДУ Вячаслаў Малафееў.
Навошта было павялічваць набор на спецыяльнасці, на якія летась дакументы падалі ў апошнія дні — незразумела.
Тым больш па такіх жа спецыяльнасцях у БДУ багата канкурэнтаў: Беларускі нацыянальны тэхнічны ўніверсітэт і Беларускі дзяржаўны ўніверсітэт інфарматыкі і радыёэлектронікі.
Максім Карпенка з Бабруйску абірае паміж БДУ і Лінгвістычным універсітэтам. Дакументы падасць толькі заўтра. З 324 баламі ён, здаецца, занадта асцярожнічае.
Максім Карпенка: “Ці то ў Лінгвістычны пайду, ці то сюды, у БДУ, на гуманітарны. Думаю, дзе больш перспектыва. Усяго разам з атэстатам у мяне 324 балы. Думаю, нармальна. А можа і на журналістыку пайду”.
У БНТУ яўны недабор на інжынерна-педагагічным факультэце. На спецыяльнасць “тэхналогія.інфарматыка” толькі 13 абітурыентаў на 22 бюджэтныя месцы.
У Беларускім дзяржаўным тэхналагічным ўніверсітэце пакуль маленькі конкурс сярод хімікаў.
“Агулам у нас амаль усё закрыта. Не вельмі вялікі конкурс на спецыяльнасць “тэхналогія электрахімічнай вытворчасці”. Там конкурс 1,2 чалавека. А найбольшы конкурс на "выдавецкай справе" і "дрэваапрацоўцы" — усе хочуць мэблю рабіць”, — нібыта скардзяцца Еўрарадыё ў прыёмнай камісіі БДТУ.
Віцебскі дзяржаўны ўніверсітэт імя Машэрава мае на гісторыі і замежнай мове толькі двух абітурыентаў з дзесяці патрэбных! І гэта бюджэт!
“На "гісторыю, замежную мову" вольных 8 месцаў. На "дэкаратыўна-прыкладное мастацтва" на "вырабы з дрэва" падалі толькі 4 дакументы, а месцаў 10. На "кераміцы" засталося адно месца”, — расказваюць у прыёмнай камісіі ВДУ імя Машэрава.
У Брэсцкім універсітэце імя Пушкіна недахоп філолагаў. Не ідуць на “рускую мову і літаратуру” з дадатковай англійскай.
Да заканчэння падачы дакументаў на бюджэт яшчэ адзін дзень — 25 ліпеня. ВНУ спадзяюцца...