У Полацку да прыезду прэзідэнта забаранілі выпускаць сабак і сушыць на вуліцы бялізну

Чытач з Полацку даслаў у рэдакцыю "Свабоды" некалькі цікавых фотаздымкаў з аб’явамі, у якіх у сувязі са святкаваннем 1150-х угодкаў Полацка ЖКГ і Полацкі ГАУС звяртаюцца да жыхароў з некалькімі просьбамі.

У сувязі са святкаваннем Дня горада жыхароў просяць 25 мая з 9.00 да 18.00 не адчыняць вокны, форткі, балконныя дзверы і рамы. Просяць таксама не вывешваць бялізну для сушкі з 24 па 27 мая і не выпускаць сабак на вуліцу.

У святкаваннях у Полацку сёння прымае ўдзел Аляксандар Лукашэнка. Надзвычайныя меры перасцярогі — гэта ўжо звычайная рэч, звязаная з ягоным прыездам.