Вілейшчына – у тройцы лідараў па "п'яных" злачынствах

Забарона на продаж пладова-ягадных вінаў у Мінскай вобласці працягнулі на 2012 год, паведамілі ў Мінаблвыканкаме. Піша Наша Ніва са спасылкай на БелТА.

Спачатку антыалкагольны эксперымент стартаваў у Слуцкім раёне. «Чарніла» тут перасталі прадаваць з чэрвеня 2011 года. Нават непрацяглы час дзеяння забароны дазволіла выправіць негатыўную сітуацыю і дамагчыся змяншэння колькасці «п’яных» злачынстваў, скарацілася колькасць фактаў выпадковага атручэння алкаголем.

Затым да канца года абмежаванні на рэалізацыю пладова-ягадных вінаў ўвялі і іншыя раёны, у прыватнасці Бярэзінскі, Лагойскі, Любанскі, Салігорскі, Старадарожскі, Крупскі, у горадзе Жодзіна.

«Улічваючы станоўчыя тэндэнцыі, у раёнах прынялі рашэнне падоўжыць дзеянне забаронаў на пэўны перыяд 2012 года», — адзначылі ў Мінаблвыканкаме.

У 2011 годзе ў сталічным рэгіёне ў параўнанні з 2010-м назіралася зніжэнне злачынстваў, учыненых у стане алкагольнага ап’янення, з 5 тыс. 645 да 5 тыс. 89.

П’янымі здзейснена 38,2% крымінальных правапарушэнняў (у 2010 годзе — 38,8%).

Найбольшая ўдзельная вага такіх злачынстваў адзначаецца ў Нясвіжскім (48,4%), Вілейскім (46,6%), Капыльскім (46,1%) раёнах і Жодзіне (45,5%).

Праблема п’янства і алкагалізацыі насельніцтва актуальная для вобласці. У сувязі з гэтым праводзяцца рэйдавыя мерапрыемствы, робяцца захады па абмежаванні часу рэалізацыі спіртнога, ізаляцыі асоб, якія ўжываюць спіртное, у лячэбна-працоўныя прафілакторыі. Агульная колькасць якія знаходзяцца на наркалагічным ўліку па вобласці на 1 студзеня 2012 года складае каля 47,9 тыс. чалавек.

Праводзяцца комплексныя аператыўна-прафілактычныя мерапрыемствы па папярэджанні і спыненню фактаў вырабу моцных спіртных напояў хатняй выпрацоўкі. У 2011 годзе выяўлена больш за 3,4 тыс. парушэнняў у сферы незаконнага абароту алкагольнай прадукцыі, канфіскавана 9,5 тыс. л самагону, 42,8 тыс. л спірту і іншых фальсіфікаваных спіртных напояў, знішчана 198,7 тыс. л самагоннай брагі.

Разам з тым павелічэнне колькасці жыхароў, якія памерлі ад выпадковага атручэння алкаголем (з 364 у 2010 годзе да 382 у 2011-м) сведчыць, што ў некаторых рэгіёнах дадзенай праблеме не надаецца належнай увагі. Значна пагоршылася становішча ў Салігорскім раёне, дзе колькасць загінуўшых узрасла больш чым у 3 разы,  таксама ў Чэрвеньскім, Любанскім, Крупскім, Лагойскім раёнах.

Крыніца: http://nn.by/?c=ar&i=70714