ХРОНІКА АПОШНІХ ПАДЗЕЙ

Дзярждума РФ прыняла закон аб спрашчэнні рэгістрацыі партый

Закон зніжае мінімальную колькасць членаў партыі, неабходную для яе рэгістрацыі ў Мінюсце, з 40 тысяч да 500 чалавек. Зараз дакумент павінен зацвердзіць Савет Федэрацыі і падпісаць прэзідэнт.

Швецыя плануе адной з першых у свеце адмовіцца ад наяўных грошай

Швецыя плануе стаць першай краінай, якая адмовіцца ад наяўных грошай. У краіне, якая першай у 1661 годзе ўвяла ў абарачэнне папяровыя грошы, зараз лічаць, што банкноты зжылі сябе і больш не патрэбны, паведамляюць інфармагенцтвы. У большасці шведскіх гарадоў нават квіткі на аўтобус аплачваюць з дапамогай мабільных сэрвісаў. Банкі краіны і зусім адмаўляюцца ад аперацый з наяўнымі. Нават царква прымае ахвяраванні з пластыкавых картак. Цяпер доля наяўных грошай у шведскай эканоміцы складае ўсяго 3%. Пасля памяншэння абарачэння наяўнасці ў краіне значна знізіліся крымінальныя паказчыкі.

Паўночная Карэя сарвала японскае свята любавання квітнеючай сакурай

Улады Японіі вырашылі адмяніць свята з нагоды цвіцення сакуры ў сувязі з запускам паўночнакарэйскага спадарожніка, які, як чакаецца, адбудзецца з 12 па 16 красавіка. "Японскі ўрад мае намер адмяніць правядзенне ў Токіа 14 красавіка фестывалю цвіцення сакуры, прымаючы пад увагу заяву КНДР пра запланаваны ракетны запуск", — абвясціў сакратар ўрада Асаму Фудзімура, пры гэтым растлумачыўшы, што на такія захады прыйшлося пайсці, каб падрыхтавацца да любых форс-мажорных сітуацый ". Такім чынам, традыцыйны японскі фестываль не будзе праводзіцца ўжо другі год запар. У красавіку мінулага года ён быў адменены ў сувязі з падзеямі на АЭС "Фукусіма-1", выкліканымі наймацнейшым землятрусам і цунамі.

ЕЗ увёў санкцыі супраць жанчын сям'і Асадаў

Еўрапейскі саюз увёў персанальныя санкцыі супраць чатырох жанчын з акружэння сірыйскага прэзідэнта Башара Асада, уключаючы яго жонку — Асму (на фота), піша Thе Dаіlу Tеlеgrарh.

Згодна з гэтым рашэннем, усе актывы маці, жонкі, сястры і нявесткі прэзідэнта ў краінах ЕС замарожаныя, а ім самім забаронена з'яўляцца на тэрыторыі ўсіх 27 краін Саюза.

Сям'я Асмы Асад эмігравала ў Вялікабрытанію з сірыйскага Хомса. У 2000 годзе Асма, якая вырасла ў заходнім Лондане, выйшла замуж за будучага сірыйскага прэзідэнта, які ў той час вучыўся на акуліста ў брытанскай сталіцы.

Да пачатку сірыйскага паўстання Асма Асад ва ўсім свеце лічылася "ліберальным тварам" рэжыму. У яе быў вобраз гламурнай, але ў той жа час дзелавой жанчыны, якая адстойвае інтарэсы абяздоленых людзей.

Коратка

Налічаная сярэдняя заработная плата работнікаў Рэспублікі Беларусь у лютым 2012 года склала Br2 млн 964 тыс. 249 (у студзені было Br2 млн 880 тыс. 585), паведамілі ў Нацыянальным статыстычным камітэце. Паводле статданых, налічаная сярэдняя заработная плата рабочых і служачых была роўная ў лютым гэтага года Br2 млн 995 тыс. 685 (у студзені — Br2 млн 911 тыс. 250).

Заяўкі на ўдзел у VІІІ Нацыянальным конкурсе друкаваных СМІ "Залатая Літара" прымаюцца да 15 красавіка, паведамілі ў Міністэрстве інфармацыі Беларусі, якое выступае заснавальнікам конкурсу. Творчае спаборніцтва пройдзе па 23 намінацыях. Да ўдзелу запрашаюцца друкаваныя СМІ, інфармагенцтвы, зарэгістраваныя ў Беларусі, распаўсюджвальнікі друку, а таксама асобы (па прадстаўленні друкаванага СМІ або інфармагенцтва).

Швецыя плануе стаць першай краінай, якая адмовіцца ад наяўных грошай. У краіне, якая першая ў 1661 годзе ўвяла ў абарачэнне папяровыя грошы, цяпер лічаць, што банкноты зжылі сябе. Банкі краіны і зусім адмаўляюцца ад аперацый з наяўнымі, нават царква прымае ахвяраванні з пластыкавых картак. Цяпер доля наяўных грошай у шведскай эканоміцы складае ўсяго 3 % супраць, напрыклад, 7 % у ЗША і 9 % у Еўрасаюзе.