Спіс невыязных папоўніўся праваабаронцам Андрэем Бандарэнкам

Сёння ўначы яго знялі ў Брэсце з цягніка Мінск-Варшава.

Па словах Бандарэнкі, пра забарону на выезд з Беларусі яму паведамілі мытнікі. Прычынаў адмовы ў выездзе не патлумачылі.

Нагадаем, што Бандарэнка ўзначальвае інфармацыйна-асветніцкую ўстанову "Платформа". Гэтае аб'яднанне займаецца абаронай правоў вязняў.

Учора спіс невыязных папоўнілі шэф-рэдактар газеты "Наша Ніва" Андрэй Дынько і кіраўнік праваабарончага Беларускага Хельсінкскага камітэта Алег Гулак.