Пінскія камунальнікі даравалі амаль 180 мільёнаў злосным неплацельшчыкам

Такую суму пені, налічанай за неплацяжы, яны спісалі з нядобрасумленных жыхароў.

Падобныя “дабрачынныя” акцыі ладзяцца, калі даўжнікі сплочваюць асноўную частку пазык за камунальныя паслугі.

Дарэчы, летась у Пінску было пададзена 16 судовых пазоваў на неплацельшчыкаў. Па 9 з іх даўжнікоў выселілі ў жыллё меншай плошчы і горшай якасці. Яшчэ тры кватэры вызвалілі ад гаспадароў за антысанітарыю, прычым у падобных выпадках іншае жыллё не прадастаўляецца.