Ад Маладзечна да Кяны і Новай Вільні будуць хадзіць электрычкі

У лютым гэтага года прадпрыемства “Белжелдорпроект” плануе завяршыць работу над архітэктурным праектам “Электрыфікацыя накірунку Маладзечна-Гудагай-Дзяржаўная мяжа”.

Гэта дазволіць пачаць выбар генеральнага падрадчыка на будаўніцтва аб’екта на конкурснай аснове.

Пра гэта паведаміў прэс-цэнтр “Беларускай чыгункі”.

У межах сумеснага з “Літоўскай чыгункай” праекта плануецца, што ўчастак будзе электрыфікаваны да Кяны і Новай Вільні.

Святлана ЦІШКО.

Фота railwayz.info.