ХРОНІКА АПОШНІХ ПАДЗЕЙ
Учора Савет Бяспекі ААН пачаў працэдуру разгляду заяўкі лідара Палесцінскай аўтаноміі Махмуда Абаса на ўваходжанне ў Арганізацыю Аб'яднаных Нацый.
Для задавальнення просьбы палесцінцаў патрабуецца падтрымка 9 з 15 членаў Савета, аднак ЗША ўжо заявілі, што накладуць на гэтую заяўку вета. Зрэшты, паводле меркавання дыпламатаў, галасаванне па пытанні членства Палесціны ў ААН можа адбыцца не раней, чым праз некалькі тыдняў.
На мінулым тыдні Абас заклікаў ААН прызнаць Палесцінскую аўтаномію ў якасці паўнавартаснага члена ААН у межах да 1967 года. Але Ізраіль заклікае палесцінцаў вярнуцца да мірных перамоў.
Расіяне кінуліся скупляць доларыРасіяне адрэагавалі на абвастрэнне сітуацыі на фінансавых рынках скупкай валюты. Газета "Коммерсантъ" піша, што за апошнія два тыдні верасня попыт на наяўную валюту вырас на траціну. Паводле слоў банкіраў, апытаных выданнем, найбольш запатрабаванымі аказаліся амерыканскія долары. Акрамя таго, укладчыкі банкаў заняліся канвертаваннем рублёў у валюту на банкаўскіх рахунках.
У апошнія месяцы з-за абвастрэння пазыковага крызісу ў ЕС і спроб інвестараў пазбегнуць рызык, спалучаных з інвестыцыямі ў эканомікі, якія развіваюцца, пазіцыі расійскай валюты значна аслаблі. Курс долара пачаў расці са жніўня, а ў апошнія тыдні рост толькі паскорыўся. Rеutеrs адзначае, што пры адкрыцці гандлю на біржы ММВБ 26 верасня рубель зменшыўся да долара на 1,2 адсотка да 32,43 рубля — да самага нізкага ўзроўню са жніўня 2009 года.
Бывай, карыда!У іспанскім горадзе Барселона ў нядзелю адбылася апошняя ў Каталоніі карыда. Новы сезон карыды налета ў Каталоніі не адкрыецца: рашэннем парламента з 1 студзеня 2012 года баі з быкамі ў гэтым аўтаномным рэгіёне Іспаніі абвешчаны па-за законам.
"Для такога горада, як Барселона, закрыць гэтую арэну — амаль тое ж самае, што выкінуць холст Пікаса ў смецце", — заявіў на стадыёне Mоnumеntаl адзін з гледачоў апошняга шоу, 68-гадовы Крыстабаль.
На апошнім боі ў нядзелю быў аншлаг: 18-тысячны натоўп апладзіраваў і суправаджаў усё, што адбывалася, шумнымі крыкамі. У суботу на арэну выйшлі тры самыя вядомыя ў Іспаніі тарэадоры. На арэне ў гэты дзень забілі шэсць быкоў. Апошнім з іх стаў 570-кілаграмовы Дудалегрэ. Пры гэтым тарэадор Хасэ Томас надзеў чорны з золатам "жалобны" гарнітур. Самыя танныя квіткі на карыду, коштам ад 24 да 135 еўра, раскупілі за некалькі хвілін, як толькі ў аўторак адкрыўся продаж. Кошт жа іншых месцаў даходзіла да паўтары тысяч еўра. Звычайна ж у Барселоне карыда не выклікала такога ажыятажу: арэна насілу запаўнялася напалову.