Нефарматная навука

Якіх жанчын непазбежна чакае старэчая прыдуркаватасць

Амерыканскія навукоўцы высветлілі, якія жанчыны найбольш рызыкуюць падвергнуцца разбуральнаму развіццю прыдуркаватасці. Яны вызначылі, што храп для жанчын вельмі небяспечны, хоць і сустракаецца рэдка (у асноўным, храпуць мужчыны).

Рызыка развіцця прыдуркаватасці звязана з тым, што храп выклікае праблемы з дыханнем, а гэта, у сваю чаргу, вядзе да недастатковага харчавання кіслародам галаўнога мозга. У выніку ў дам, якія храпуць, у два разы больш шанцаў сустрэцца ў сталым узросце з прыдуркаватасцю, чым у тых, каго праблема храпу абмінула, піша іnfоmаnіуа.ru.

У даследаваннях навукоўцаў прымалі ўдзел толькі жанчыны, але спецыялісты сцвярджаюць: няма падстаў меркаваць, што ў мужчын карціна іншая. Хутчэй за ўсё, ім пагражае тая ж небяспека, што і жанчынам. Храп вылечны, нагадваюць медыкі, таму клапаціцца пра сваё здароўе варта загадзя.

Незвычайны сродак для барацьбы з храпам...

...прыдумалі італьянскія навукоўцы. Яны выявілі, што людзі, якія насілі панчохі з эфектам уцягвання, адчулі сябе нашмат лепш і сталі мець менш праблем са сном у сувязі з абструктыўным апноэ (храпам).

Методыкі лячэння вышэйназванага расстройства, якія зараз існуюць, не вельмі зручныя ў выкарыстанні, тады як панчохі — камфортны спосаб збавення ад храпу. Спецыяльныя кампрэсійныя панчохі выкарыстоўваюцца для прафілактыкі развіцця трамбозу глыбокіх вен і рэгуляцыі крывацёку ў нагах.

Тэсты паказалі, што пацыенты з хранічнай вянознай недастатковасцю змаглі з дапамогай панчох знізіць колькасць вадкасці, якая назапашваецца ў нагах, свярджае mеddаіlу.ru. У выніку меншая колькасць вадкасці прылівае да шыі ноччу, а гэта скарачае колькасць выпадкаў апноэ сну (храпу) больш чым на траціну.

Вынайдзена сапраўдная прычына сівізны

Амерыканскія навукоўцы ўстанавілі першапачатковыя прычыны пасівення. Аказваецца, за афарбоўку валасоў адказвае так званы сігнальны шлях Wnt, які, між іншым, адказвае за многія біялагічныя працэсы ў арганізме.

Вядома, што валасы растуць са ствалавых клетак валасяных фалікул (цыбулін), але якім чынам запускаецца механізм пігментацыі, навукоўцы доўгі час не ведалі. Толькі нядаўняя праца даследчыкаў з Нью-Ёрка праліла святло на гэтую з'яву.

Сігнальны шлях Wnt каардынуе ўзаемадзеянне ствалавых і меланацытавых клетак. Гэтае ўзаемадзеянне і робіць валасы афарбаванымі. Знясіленне Wnt прыводзіць да дэзактывацыі меланацытавых ствалавых клетак, патрэбных для афарбоўвання валасоў. У выніку ў чалавека пачынаюць расці бясколерныя (сівыя) валасы. Навукоўцы спадзяюцца, піша іnаukа.ru, што гэтае адкрыццё дапаможа не толькі ў барацьбе з сівізной, але і з процілеглай праявай — меланомай (лішкам пігментных клетак, які прыводзіць да раку скуры).

Садавіна і гародніна — супраць вугроў

Падлеткавыя вугры — бяда, якая абмінула рэдкага шчасліўчыка, аднак спецыялісты сцвярджаюць, што гэтай непрыемнасці можна калі не пазбегнуць цалкам, то хаця б мінімізаваць яе праявы і шкоду для знешнасці.

Высветлілася, што найбольш схільныя да вугроў тыя падлеткі, якія ядуць мала садавіны і агародніны, а таксама схільныя да дэпрэсіі. З улікам гэтага рэцэпт медыкаў просты: менш ласункаў і чыпсаў — больш спорту, садавіны, гародніны і жыццёвай актыўнасці.

Вынікі такой тэрапіі сапраўды здзіўляюць. Верагоднасць вугроў скарачаецца ў два, а то і ў тры разы. Ну і галоўнае — вугры нельга ціснуць, нагадвае hеаlth.mаіl.ru.

Гародніна доўгажыхароў

Навукоўцы нарэшце звярнулі ўвагу на гародніну, якая не вельмі папулярная ў народзе. Зрабіўшы гэта, яны самі здзівіліся. І назвалі баклажан "гароднінай доўгажыхароў". Аказалася, піша lіkаr.іnfо, што ў баклажана ёсць унікальная здольнасць супрацьстаяць захворванням сардэчна-сасудзістай сістэмы, расстройствам стрававання, хваробам суставаў, а таксама шмат іншых карысных якасцяў.

Баклажаны, ужытыя ў ежу, здольныя павышаць гемаглабін, што асабліва важна для дзяцей і цяжарных жанчын. Шмат у баклажанах калію — а гэта заўсёды добра для арганізма.

Іншыя рэчывы ў гэтай цудадзейнай гародніне расшчапляюць тлушчы, што немалаважна для вечна занепакоеных сваёй вагой грамадзян. Навукоўцы запэўніваюць: баклажан дапаможа вам схуднець, а некаторых пазбавіць ад запораў.

Хочаш менш есці? — Жуй больш!

Працяглае перажоўванне ежы дазваляе паменшыць апетыт, лічаць кітайскія навукоўцы з Харбінскага медыцынскага ўніверсітэта.

Паводле інфармацыі hеаlth.mаіl.ru, даследнікі прымушалі добраахвотнікаў жаваць ежу 40 раз замест звыклых 15. Вынік відавочны: кантрольная група спажывала амаль на 12% калорый менш, што прывяло да страты больш за 12 кг за год.

Кіраўнік даследавання Цзэ Лі і яе каманда давалі звычайны сняданак 14 падыспытным мужчынам, якія пакутуюць ад атлусцення, і 16 маладым людзям з нармальным вагой. Навукоўцы спрабавалі высветліць, ці ёсць нейкая розніца паміж тым, як яны перажоўваць ежу. Аказалася, што памер укусу быў прыкладна аднолькавы. Пры гэтым узровень цукру ў крыві таксама заставаўся аднолькавым. Аднак падчас даследавання навукоўцы выявілі цікавую дэталь: чым часцей працуюць цягліцы сківіц, тым менш выдзяляецца гармону грэліну, які стымулюе апетыт.

Падрыхтавала Іна АРЭХАВА.