Аляксандр Рыбак: "Без культуры няма нацыі"

Спявак з Нарвегіі беларускага паходжання, які набыў сусветную вядомасць пасля перамогі на конкурсе "Еўрабачанне-2009" запісаў для праекту "Будзьма! Тузін.Перазагрузка-2" беларускую версію свайго хіта "Europe's Skies".

У беларускай інтэрпрэтацыі яна атрымала назву "Небасхіл Еўропы". Аляксандр Рыбак пашкадаваў, што не вывучыў дасканала сваю родную мову, і выказаў спадзеў, што яго спевам натхніцца новае пакаленне беларускіх дзяцей.

 

Песню "Небасхіл Еўропы", запісаную для праекту "Будзьма! Тузін.Перазагрузка-2", Аляксандр Рыбак мяркуе ўключыць і ў беларускае выданне свайго другога студыйнага альбома, выхад якога запланаваны на восень.

 

Прэм’ера песні "Небасхіл Еўропы" – сёння на сайтах "Будзьма беларусамі!" і "Тузін Гітоў".