POSTfactum
Некалькi чалавек атрымалi траўмы ў вынiку аварыi турыстычнага парома ў Фiнляндыi, паведамляе агенцтва Reuters са спасылкай на прадстаўнiка фiнскай берагавой аховы.
Судна, якое перавозiла 54 пасажыраў, села на мель непадалёк ад Хельсiнкi з-за нечаканай выпадковасцi: капiтан парома не змог выбрацца з гальюна, у якiм заклiнавала замок. Колькi часу капiтан правёў у прыбiральнi, невядома. Па словах вiдавочцаў, як толькi ён зразумеў, што замок заклiнавала, ён стаў клiкаць на дапамогу, але члены каманды не адразу пачулi крыкi i не здолелi вызвалiць капiтана своечасова.
Берагавая ахова мае намер расследаваць iнцыдэнт з мэтай высветлiць, цi можна расцэньваць дзеяннi капiтана як злачынную нядбайнасць.
Праводзячы па 6 гадзiн седзячы ў крэсле, чалавек рызыкуе рана памерцiУрачы не раз казалi пра шкоду маларухомага ладу жыцця, але даследаванне цэнтра Medical Coding перавярнула ўяўленне аб гэтым пытаннi. Як аказалася, калi чалавек сядзiць больш за шэсць гадзiн у дзень, то рызыка ранняй смерцi павышаецца на 40 працэнтаў на працягу 15 блiжэйшых гадоў, пiша "Газета.ru".
Навукоўцы агаворваюцца: павелiчэнне рызыкi на 40% адносiцца да жанчын. Мужчынам жа трохi больш пашанцавала. Для iх 6 гадзiн сядзення павялiчваюць рызыку смерцi ў маладым узросце на 20%. Справа ў тым, што за працоўны дзень актыўнасць мышцаў зводзiцца да нуля, а спальванне калорый раўняецеся адной калорыi ў хвiлiну. Энзiмы выпрацоўваюцца не так хутка, як пры фiзiчнай актыўнасцi. Гэта запавольвае абмен рэчываў. У сувязi з чым людзi, якiя доўга сядзець, у два разы часцей пакутуюць ад хваробаў сэрца.
Даследчыкi канстатуюць змену ладу жыцця людзей у апошнi час. Так, чалавек практычна ўвесь час сядзiць. У сярэднiм кожны чалавек на планеце сядзiць 9,5 гадзiн у суткi. Гэта больш за 7—8 гадзiн, якiя трацяцца на сон. Нядзiўна, што хапае ўсяго некалькiх гадоў сядзячай працы, каб з'явiлiся сур'ёзныя праблемы са здароўем.
У гэтай сувязi медыкi раяць, напрыклад, офiсным работнiкам, скарацiць час, якi яны праводзiць седзячы, хаця б да трох гадзiн у дзень. Таксама эксперты прапаноўваюць больш за 30 хвiлiн надаваць актыўнай фiзiчнай нагрузцы i ўставаць па магчымасцi часцей.
Муж i жонка сварацца каля 7 разоў на дзеньЭксперты кампанii eSure высветлiлi, што ў год сярэднестатыстычная пара сужэнцаў сварыцца прыкладна 2450 разоў, цi сем разоў на дзень, паведамляе ІТАР-ТАСС. Паводле статыстыкi, часцей за ўсё прычынай сварак выступаюць грашовыя пытаннi i нежаданне аднаго з партнёраў выконваць нейкую хатнюю работу.
Трохi радзей "яблыкам разладу" становiцца выбар тэлевiзiйных праграм, меню на вячэру i звычка храпцi. А вось незадаволенасць iнтымным жыццём прыводзiць да сямейных канфлiктаў толькi 88 разоў у год. Затое 122 разы за год пары могуць сварыцца, лiчачы, што аднаму з сужэнцаў недастаткова надаецца ўвагі з боку другога. З нагоды дзяцей, дакладней iх выхавання, партнёры ў сярэднiм высвятляюць адносiны 88 раз у год, плюс 79 разоў — у спробах вызначыць, хто "сапсаваў" дзiця.
Каментуе кiраўнiк кампанii Нiкей Селерс: "штодзённыя спрэчкi з'яўляюцца часткай нармальных, здаровых сямейных адносiнаў. Аднак, як паказала даследаванне, у якiм прынялi ўдзел 3000 чалавек, якiя знаходзяцца ў афiцыйным або грамадзянскiм шлюбе, скандалы здараюцца нярэдка — бывае i па 7 разоў на дзень".
"Маўчанне сабак": Херсонскiм сабакам афiцыйна забаранiлi брахацьВа ўкраiнскiм горадзе Херсоне сабакам i iншым хатнiм жывёлам афiцыйна забаранiлi падаваць голас у начны час. Гарадскi савет на сесii зацвердзiў Правiлы добраўпарадкавання тэрыторыi, забеспячэнне чысцiнi i парадку ў Херсоне. Перадапошнi 8-ы раздзел Правiлаў датычыцца ўтрымання жывёл у горадзе. У iм, у прыватнасцi, гаворыцца, што гаспадары сабак павiнны папярэджваць брэх сваiх чатырохногiх выхаванцаў у шматкватэрных дамах Херсона з 22-х да 8-i гадзiн — каб не перашкаджаць людзям спаць у суседнiх кватэрах, паведамляе агенцтва "Укрiнформ". Дадзенае патрабаванне распаўсюджваецца i на iншых хатнiх гадаванцаў.
"За" прагаласавалi 62 з прысутных у зале 69 дэпутатаў гарсавета, "супраць" — адзiн, чацвёра ўстрымалiся, двое — не галасавалi, адзначае выданне. З прапановай выключыць "сабачы" пункт з Правiлаў выступiлi на сесii прадстаўнiкi некалькiх дэпутацкiх фракцый, у тым лiку камунiсты i сябры "Бацькаўшчына", якую ўзначальвае экс-прэм'ер Юлiя Цiмашэнка.
У прыватнасцi, дэпутаты звярнулi ўвагу на тое, што гэтым пунктам у Херсоне ўводзiцца дыскрымiнацыя сярод розных катэгорый сабак горада: адным сабакам дазваляецца брахаць сярод ночы, iншым — забараняецца. Сярод тых, каму дазваляецца трывожыць сон херсонцаў — сабакi, якiя пражываюць у прыватных жылых дамах, i бадзяжныя сабакi.
Указанае патрабаванне таксама тычыцца ўладальнiкаў iншых хатнiх жывёл. Як патлумачыў сваю iнiцыятыву Херсонскi мэр Уладзiмiр Сальда, гэта новаўвядзенне адносiцца да ўладальнiкаў сабак, катоў, коз, свiней, нутрый, буйной рагатай жывёлы i iншых жывёл, якая пражывае ў шматкватэрных дамах. У "каменданцкую гадзiну" гаспадары абавязаны захоўваць цiшыню ў горадзе i не дапускаць начнога брэху i шуму сваiх гадаванцаў, перадае IТАР-ТАСС.
За невыкананне новых правiлаў распрацавана сiстэма грашовых штрафаў для ўладальнiкаў жывёл.