ХРОНІКА АПОШНІХ ПАДЗЕЙ
Кіраўніцтва ЕС не спраўляецца з задачамі па выратаванні Італіі і Іспаніі. Еўрапейскі пазыковы крызіс можа паглыбіцца ў найбліжэйшыя дні ці тыдні з-за росту прыбытковасці дзяржаблігацый гэтых краін і перарасці ў падзею, "якая мае велізарную сістэмную значнасць", што вельмі негатыўна адаб'ецца на еўра, лічаць аналітыкі Rоуаl Bаnk оf Sсоtlаnd.
"Рэгулятары зусім не паспяваюць за ходам падзей і наўрад ці зробяць што-небудзь істотнае для падтрымкі Іспаніі ці Італіі, — цытуе справаздачу старшага аналітыка рынку аблігацый у RBS агенцтва Blооmbеrg. — Цяпер склаліся ўмовы, якія могуць прывесці да клінічнай смерці еўра, што павінна падштурхнуць улады да больш рашучых дзеянняў".
Паводле меркавання спецыялістаў банка, фундатарам у бліжэйшы час варта пазбягаць інвестыцый у аблігацыі так званых перыферыйных краін еўразоны, а ў ідэале — усіх дзяржаў гэтай групы, акрамя Германіі.
Варта нагадаць, што на чацвер прызначаны надзвычайны саміт ЕС, падчас якога плануецца абмеркаваць новы пакет мер, які закліканы спыніць разрастанне небяспечнага крызісу, здольнага выклікаць хуткі развал еўразоны і наступны крах ЕС.
Пагроза дэфолту ЗША: сусветная эканоміка ў трывожным чаканніНе лепшым чынам ідуць справы і ў ЗША. Яшчэ колькі месяцаў таму здавалася б немагчымая падзея — дэфолт Злучаных Штатаў па сваіх даўгах — разглядаецца цяпер сусветным рынкам у якасці аднаго з варыянтаў далейшага ходу спраў у сусветнай эканоміцы. Пагроза страты ЗША плацежа- здольнасці стварылася ў выніку дасягнення імі яшчэ ў сярэдзіне мінулага мая лімітавага ўзроўню дзярждоўгу, зацверджанага Кангрэсам, — $14,294 трлн.
Пакуль Мінфіну ўдаецца прытрымлівацца гэтай сумы за кошт узаемазалікаў кароткатэрміновых пазыковых даўгоў. Аднак, як абвясціў міністр фінансаў Цімаці Гайтнер, пасля 2 жніўня гэтага года ўсе дадатковыя магчымасці будуць вычарпаны і краіна апынецца ва ўмовах дэфолту.
Для таго, каб пазбегнуць яго, Кангрэс павінен прыняць адмысловае рашэнне і павялічыць лімітавы памер дзярждоўгу. Калі гэтага не здарыцца, праз два тыдні амерыканскі ўрад ужо не зможа ў поўнай меры выконваць усе свае фінансавыя абавязкі, уключаючы і абслугоўванне доўгу.
Барак Абама неасцярожна назваў нядаўна магчымы дэфолт "армагедонам". Гэтыя словы кіраўніка Белага дома кардынальным чынам змянілі ацэнку дзелавым светам сітуацыі, якая складваецца. Як адзначыла лонданская газета "Таймс", упершыню ў пасляваеннай гісторыі магчымасць дэфолту Вашынгтона па сваіх даўгах стала ў парадак дня сусветнага бізнэсу. Той факт, што цяпер сусветныя рынкі не выключаюць дэфолту ЗША, выклікаў суткі таму магутнае павелічэнне попыту на золата.
Перад паездкай у Еўропу зрабіць прышчэпку ад адруКраіны Еўрапейскага бюро Сусветнай арганізацыі аховы здароўя сутыкаюцца з сур'ёзнай успышкай адру. Да канца мая ў СААЗ паступілі паведамленні з 38 еўрапейскіх краін пра 12 тысяч выпадкаў захворвання, паведамляюць інфармагенцтвы.
90% паведамленняў пра захворванні на адзёр паступілі з васьмі краін — Бельгіі, Францыі, Сербіі, Іспаніі, Швейцарыі, Македоніі, Вялікабрытаніі і Узбекістана. Медыкі папярэджваюць, што вірус адру вельмі заразны. Яго ўзбуджальнік можа заставацца ў паветры гадзінамі. У гэтай сувязі яны рэкамендуюць абараніць сябе з дапамогай прышчэпкі. "Прадухіленне захворвання шляхам вакцынацыі асабліва важна перад паездкай і ўдзелам у масавых мерапрыемствах, у тым ліку сацыяльных кампаніях, спартыўных спаборніцтвах, палітычных, рэлігійных ці культурных мерапрыемствах", — адзначае СААЗ.